ORDIZIA ESKUBALOIA
Ordizia Siglo XX Plater Prestatuak-en garaipena Majorin jokatutako partidan, Txingudiri 27-24 irabazi zion. Zaila izango zela aurreikusten zen, talde ordiziarrak 4 bajarekin ekin zion neurketari eta mailako puntako taldeetako bat hartzen zuen. Jokalariak kontzientziatuta eta indartsu irten ziren eta emaitza ona lortu zuten.
Oso ondo hasi zen talde ordiziarra, 20. minuturako 4 goleko aldea baitzuen. Partida apurtzeko gogoak taldea nahastu zuen, eta atsedenaldian irundarrak ziren gol bateko abantaila lortu zutenak, 14-15. Taldea bigarren zatian buru-belarri sartu zen eta 10 minututan markagailuari buelta eman zion, 20-18 40. minutuan. Hortik aurrera taldeak partida kudeatu jakin zuen eta 3 goleko aldearekin irabazi, 27-24.
Emaitza honekin taldea bigarren postuan mantentzen da Donibanerekin berdinduta, lehengo postutik puntu bakarrera. Jardunaldi honetako garaipena garrantzitsua zen, ez bakarrik bajengatik, datorren astean liderrari egingo zaio bisita eta garaipena oso zaila izango da. Espero dezagun taldeak falta diren bi jokalari berreskuratzea eta partidari egoera onean aurre egin ahal izatea.
Senior nesken taldeak garaipen garrantzitsua lortu zuen Zumarragan, Urolaren aurka jokatutako partidan, 29-34. Lehen zatian talde urdinak hartu zuen agintea markagailuan, atsedenaldira 15-18ko emaitzarekin helduz. Bigarren zatian partiduak martxa berdina izan zuen eta azkenean 5 goleko aldea lortu zen.
Gizonezkoen bigarren senior taldearen lehen garaipena, oraingo honetan Saiekoren aurka Majorin jokatu zuen partidan, 26-24 irabazi zuelarik, atsedenaldira 11-10 itxaropentsu iritsi zen. Ordiziarrek partida ona jokatu zuten, beti egon ziren partida irabazteko aukerekin, eta 6 minuturen faltan 6 goleko aldea izatera iritsi ziren. Kontrarioaren presioak eta talde urdina gaztearen urduritasunak 2 goleko aldea utzi zuten.
Jardunaldi gorabeheratsua jubenil mailan, gizonezkoen taldea 25-28 galdu zuen Majorin, partida oso parekatu batean, non garaipena lortzeko aukerak izan zituen Hondarribiaren aurka. Aurkako taldea sailkapeneko bigarren postuan dago, eta ez da inoiz talde ordiziarra baino gehiago. Izan ere, xehetasun txikiengatik ez du garaipenik lortzen Majorin talde ordiziarrak.
Emakumezkoen taldeek bata karezkoa eta bestea hareazkoa eman ziguten, bigarren urteko jubenilak 28-25 irabazi zion Usurbili Majorin, markagailuak adierazten duena baino partida erosoagoan. Lehen urteko taldea 22-19 galdu zuen Legazpin. Taldeak garaipenera eramango duen tekla aurkitu gabe jarraitzen du eta partidak gutxieneko distantziekin galtzeari uzten dio.
Emakumezkoen kadetearen porrota Donostiara egindako joan-etorrian, non 14-13 galdu zuen. Partida bitxia izan zen, atsedenaldian 8-3 galtzen joan ondoren partidari buelta eman eta garaipenetik gertu egon baitzen. Jokalariek atezain gisa jokatu behar izateak modu batean baldintzatzen du partiden martxa.
Infantil mailan garaipen erosoa lortu zuen gizonezkoen taldeak, Eibarri 36-19 irabazita. A Ligako emakumezkoek Usurbilen galdu zuten liderraren aurka, 32-24 galdu partidu on bat egin ondoren. Bestalde, B Ligako emakumezkoen taldeak Majorin galdu zuen Bergararen aurka, 20-36.
.jpg)
