ORDIZIA ESKUBALOIA
Senior nesken porrota Majorin Saiekoren aurka jokatutako partidan, 26-33 izan zen azken markagailua. Partida hasieratik ihes egin zuen talde donostiarrak, eta atsedenaldira 6 goleko abantailarekin iritsi zen, bigarren zatian mantentzen jakin zuena. Porrot honek taldearen bolada positiboa etetea dakar, bainan sailkapeneko hirugarren postuan jarraitzen du.
Emaitza ahal zen neurrian sartzen zen, lehen sailkatua hartzen zen, honek azkeneko ihardunaldia liderra garaitu zuen eta sailkapenean lehenengo postua lortu. Taldeak sailkapenean duen postuari eusten dio eta egunetik egunera geroz eta argiago daude Euskal Ligara igotzeko eta kategoriako titulua lortzeko lehian parte hartzeko aukerak.
Leizea OET taldeak garaipen boladarekin jarraitzen du eta sailkapeneko bigarren postuan jarraitzen du. Oraingoan Elgoibarren lortu zuen garaipena, 20-28 irabaziz. Partida berdinduta hasi zen, atsedenaldira 3 goleko abantailarekin iritsiz, eta bigarrenean zatian 8 goleko aldea lortu zuen. Taldeak joko maila onarekin jarraitzen du eta espero zen ildoan mantentzen da.
Kirkil Ordizia, emakumezko kadete mailakoa, garaile izan zen Urnietaren aurka jokatutako partidan. Azken markagailuak 29-17 adierazten zuen, atsedenaldian 11-8ko markagailuarekin. Partida ondo hasi zuen talde ordiziarrak, baina bigarren zatian lortu zuen bere nagusitasuna jokoan. Emaitza honekin taldeak garaipenaren berri izan du berriro eta porrot estuen bolada utzi du.
Mutil infantilen porrota Zumaian, 25-5 izan zen azken emaitza. Partida honetako porrota handia izan den arren taldearen bilakaera ona ikusten da, batez ere defentsaren arloan. 25 gol bakarrik jaso ziren, Ordizian jokatutako partidan 48 jaso zirenean. Erasoko atalean hobetu behar da, batez ere aurrean defentsa oso aurreratuak ditugunean.
.jpg)
