ORDIZIA ESKUBALOIA
Asteburu beltza Ordiziako eskubaloiarentzat, talde bakar batek lortu zuen bere partida ez galtzea. Lehen taldeak ezin izan zion Arrasateri irabazi Majorin, 25-28 irabazi baitzion Ordizia Siglo XX taldeari. Partida berdinduta hasi zen, baina bisitarien nagusitasunarekin, 20. minutuan markagailuak 8nako berdinketa adierazten zuen, atsedenaldian 11-14koa zelarik. Etxeko taldeak erreakzionatu egin zuela zirudien eta 35. minutuan markagailuak 14-15eko markagailu estua adierazten zuen, baina hortik aurrera talde arrasatearrak agindu zuen partida, amaierara 3 goleko aldearekin iritsi arte.
Taldea ez zen oso gaizki ibili erasoan, 46 jaurtiketa lortu zituen atera, baina % 55 inguruko asmamenarekin oso zaila da partida bat irabaztea. Defentsan saiatu ziren, baina ez zuten lortu, kontrako taldeak 48 aldiz jaurti zuen eta % 60an asmatu zuen. Datu horiek akuilu izan behar dute hurrengo partidutarako.
Porrota gorabehera, taldeak bosgarren postuari eutsi dio sailkapenean, igoera fasera igotzeko play off-era sartzeko aukera ematen duen azken postuari, hain zuzen ere. Ligako 4 partida geratzen dira eta oraindik hirugarren postua lortzeko aukerak daude. Taldeak animoari eutsi behar dio eta azkeneraino borrokatu.
Emakumezko seniorren porrota Errenteriara joan zenean, 27-23 galdu zuen Ereintzaren aurka. Atsedenaldian 12nako berdinketa zegoen. Partida orekatua espero zen, hala izan zen arren, baina azkenean etxeko taldeak hobeto jokatu zuen eta 4 goleko abantaila lortu zuen.
Taldeak sailkapeneko bosgarren postuari eutsi dio, baina Ereintza taldea hurbildu zaio, eta puntu bakarrera jarri da. 4 partida geratzen dira txapelketa amaitzeko eta espero dezagun senior taldeak bere sailkapenari eustea, emakumezkoen talde ordiziar batek lortutako 1. lurraldeko posturik onena lortuz.
26-25 galdu zuen senior mailako bigarren taldeak Bergaran. Taldeak txapelketako partidarik txarrena jokatu zuen. Lehen zatia eta bigarrenaren herena ahazteko modukoak dira. 40. minututik aurrera, 20-10 galtzen ari zirela, taldeak erreakzionatu egin zuen, defentsan pixka bat estutuz eta erasoan asmatuz, 24na berdintzea lortuz, baina azkenean ezin izan zen markagailua irauli. Taldeak gaizki jokatu zuen eta hau lezioa izatea espero dugu.
Gazteen mailan 30-29 galdu zuten Donostian Saiekoren aurka eta partida oso parekatua izan zen eta azkenean donostiarrak izan ziren katua uretara eraman zutenak. Bigarren urteko emakumezko gazteak 30-33 galtzen zuen Saiekoren aurka. Partida parekatu horretan atsedenaldian 15-13 agintzen zuen talde ordiziarrak, baina azkenean ihes egin zuen. Partida kaskarra jokatu zuen Irunen lehen urteko emakumeen taldea, nahiz eta Bidasoaren aurka berdinketa lortu 25 golekin, lasaitasunez irabazi behar zen partidan.
Kadete mailan, emakumezkoen taldeak 27-30 galdu zuen Munttarperen aurka. Lezoarrek hasieratik hartu zuten aurrea eta azkenean partida irabazi zuten. Haur mailan gizonezkoen taldeak 28-31 galdu zuen Majorin Hernaniren aurka, oso partida parekatuan. A Ligako nesken infantilak galdu egin zuen, Majorin, Eibarren aurka, 29-35. B Ligako neskak, aldiz, argi eta garbi galdu zuen Hernaniren aurka,14-32.
.jpg)
