ORDIZIA ESKUBALOIA
Ordizia SIGLO XXk garaipen garrantzitsua lortu zuen Irunen, Artalekuko kantxan Txingudiri 27-29 irabazita. Garaipen honekin talde ordiziarrak liga erregularreko laugarren postua lortu eta igoera fasea nork jokatuko duen erabakitzeko lauko finalean egotea ziurtatu du. Denboraldiko lehen helburua lortu da, baina oraindik asko dago jokoan.
Ez zen partida erraza izan, partida oso parekatua eta inork ezin izan zuen partida hautsi. Nahiz eta beti markagailua talde urdiñaren alde izan, inoiz ez zen gol bat baino gehiagoko aldea izan, eta berdinketa zen normalena markagailuan. Atsedenaldira gol bateko abantailarekin iritsi zen, 12-13.
Taldeak maila altuko joko kolektiboa erakutsi zuen, nahiz eta jokalari batzuen falta, taldeak bere jokoa mantendu zuen eta fisikoki puntu bat gehiago eman zion partidari. Taldeak sentsazioak berreskuratzen dituela dirudi, defentsan zein erasoan, asmatze handia mantenduz eta kontrarioari aukera gutxi emanez.
Emakumezko seniorren porrota Usurbilera egindako joan-etorrian, 32-20 galduta. Talde ordiziarra ez zen partiduan sartu, atsedenaldian 14-8 galtzen ari baitzen. Errendimendu eskasa erasoan eta defentsan, eta horrek oso zaila egiten du zerbait positiboa lortzea.
Emaitza honekin igoerarako lauko finalean sartzea zailtzen da, taldeak 2 postu galdu ditu sailkapenean eta garaipena behar du azken partidan play-off horretan sartu ahal izateko. Taldea denboraldi ona egiten ari da, gorabeheratsua bada ere, eta espero dezagun liga bikain ixtea ezusteko sailkapen honekin.
Senior mailako gizonezkoen bigarren taldeak ezin izan zuen garaipena lortu Irunen Txingudiren aurka, 31-22 galdu zuen. Talde urdiñak lehen zatian eutsi zuen, atsedenaldira 13nako berdinketarekin iritsi zen. Bigarren zatian taldea hondoratu egin zen, defentsan zein erasoan, zerbait positiboa lortzeko aukera guztiak galduz. Partida bat geratzen da ligako txapelketa amaitzeko, eta taldearen jarduera positiboa azpimarratu behar dugu, bai bere lehiaketan, bai lehen taldeari laguntzen, hala behar zuenean.
Gazteen mailako porrot bikoitza, bigarren urteko emakumezkoen taldea 30-22 galdu zuen Oñatin Aloña Mendiren aurka, jokalari askoren faltak ordiziarren jokoa hipotekatu zuen eta zerbait positiboa lortzea ezinezkoa egin zuen. Lehen urteko emakumezkoen taldeak 29-30 galdu zuen Arrasateren aurka Majorin, oraindik ez dute partidurik borobiltzea lortzen Ordiziako jokalari gazteek. Emakumezkoen kadete mailako taldeak ezustekoa ematetik gertu, partida 30-28 galdu zuten Leizaranen aurka.
Gizonezkoen infantilak ezin izan zuen partida ondo burutu, taldeak lehen denbora eutsi zuen, 15-16 atsedenaldian, Pulporen talde indartsuari, azkenean 28-38 nagusitu zelarik. A Ligako emakumezkoek Zarautzen aurka borrokatu zuten, baina azkenean porrot duin batekin konformatu behar izan zuten, 21-26 izan zen azken emaitza Majorin. Poza B Ligako taldearen eskutik etorri zen, Bidebietan Bera Berari gailenduta, 24-37 azken emaitza izan zen, hasieratik jokalari ordiziarrak nagusi izan ziren partida batean.
.jpg)
